திருமாங்கல்ய சரடை பொதுவாக நாள் பார்த்து மாற்றிக்கொள்ளலாமா? இது சரியா?
Vidwan’s reply:
திருமாங்கல்ய சரடை நாள் பார்த்து மாற்றிக்கொள்ளலாம் என்பது சரிதான்.
செவ்வாய், வெள்ளிக்கிழமைகள் தவிர்த்து, மற்றைய நாட்களில் ராகுகாலம் எமகண்டம் இல்லாத நேரமாகப் பார்த்து மாற்றிக்கொள்ளலாம்
இரவு நேரங்களில் தினமும் சுமங்கலிகள் குழந்தைகள் கண்டிப்பாக சாதம் சாப்பிடவேண்டுமா?
Vidwan’s reply:
இரவு நேரங்களில் தினமும் சுமங்கலிகள் குழந்தைகள் கண்டிப்பாக சாதம் சாப்பிடவேண்டும் என்ற நியமங்கள் கிடையாது. ஆனால், சில பேருக்கு சில தினங்களில் (அமாவாஸை போன்ற தினங்களில்) பலகாரம் உண்டு. அந்த நியமங்கள் குறிப்பாக சுமங்கலி ஸ்த்ரீகளுக்குக் கிடையாது.
அதனால் இரவில் கண்டிப்பாக சாதம் சாப்பிட வேண்டும் என்று கிடையாது. பலகாரம் பண்ணவேண்டிய அவசியமில்லை என்பதாலும், பலகாரம் என்று ஆகிவிடுமே என்ற பயத்தினாலும் சாதம் சாப்பிட வேண்டும் என்பதாகச் சொல்வதுண்டு. இன்றும் சில க்ருஹங்களில் கண்டிப்பாக சாதம் கொடுப்பதை வழக்கமாக வைத்துள்ளார்கள், அதில் தவறில்லை. இது ஶாஸ்த்ரம் இல்லையென்றாலும் ஒருவிதமான ஜாக்கிரதை உணர்வு என்று சொல்லலாம்.
பெண்களுக்கு மாதம் வரும் தீட்டு இரவு எத்தனை மணிக்கு மேல் வந்தால் அடுத்த நாள் கணக்காக கொள்ளவேண்டும்?
Vidwan’s reply:
இரவு ஒருமணி வரை அன்றைய தின கணக்கு அதன் பின் ஆனால் அடுத்தநாள் கணக்கு.
ஆடிப்பண்டிகையின் போது ஸ்த்ரிகள், குழந்தைகள் எண்ணெய் ஸ்நானம் பண்ணலாமா?
Vidwan’s reply:
ஆடிப்பண்டிகையின் போது குழந்தைகளுக்கு எண்ணெய் தேய்த்து விடலாம்., தக்ஷிணாயன புண்யகாலம் பிறப்பதினால் ஸ்த்ரீகள் தீர்த்தமாடுதல் (தலைக்கு) வழக்கம் என்று சிலர் சொல்லுவர்கள். சில க்ருஹங்களில் எண்ணெய் தேய்த்து ஸ்நானம் செய்யலாம் என்று சில பெரியவர்கள் சொல்லுவார்கள்.
அவரவர் க்ருஹ வழக்கத்தைப் பின்பற்றவும்.
நமஸ்காரம், வேலைக்குச் செல்லும் ஸ்த்ரீகள் தவிர்க்காமல் அனுஷ்டிக்க வேண்டியவை என்று ஏதேனும் உள்ளதா?
Vidwan’s reply:
வேலைக்குச் செல்லும் ஸ்த்ரீகளுக்கு, செல்லாத ஸ்த்ரீகளுக்கென்று தனித்தனி தர்மங்கள் கிடையாது. பொதுவான ஸ்த்ரீ தர்மத்தை எல்லா ஸ்த்ரீகளும் அனுஷ்டிக்க வேண்டியது. அதை வேலைக்குச் செல்லும் ஸ்த்ரீகளும் அனுஷ்டிக்க வேண்டும்.
வேலைக்குச் செல்லும் எத்தனையோ ஸ்த்ரீகள் அதை அனுஷ்டித்துக்கொண்டுதான் இருக்கிறார்கள் அதனால் பெரிய பாதகம் ஒன்றும் இருக்காது.
