அகத்துப் பெருமாள் சந்நிதியில் சாளக்கிராம பெருமாளுடன், திவ்ய தேசப் பெருமாள் படங்களுடன் மற்ற தேவதாந்திரங்களின் படமும் வைத்திருந்தால், நாம் சேவிக்கும் பொழுது, பிற தேவதாந்திரங்களையும் சேர்த்து சேவிக்கும்படி ஆகிவிடுகிறது. மிகவும் தர்ம சங்கடமான நிலை, அப்போது தோஷம் ஏற்படாமல் இருக்க என்ன செய்ய வேண்டும்? சில பெருமாள் கோவில்களிலும் இந்த நிலைக்குத் தள்ளப்படுகிறோம், அந்த தேவதாந்திர சந்நிதிக்குப் போகாமல் தவிர்த்தாலும், பிரதக்ஷிணம் செய்யும் பொழுது பிற தேவதாந்திரங்களையும் சேர்த்து பிரதக்ஷிணம் பண்ணும்படி ஆகிறது.நாம் இருக்கும் இடம் திவ்ய தேசம் இல்லாததாலும், மனதில் கோவிலுக்குப் போய் பெருமாள் சேவிக்க வேண்டும் என்ற ஆசையாலும், இந்த தர்ம சங்கடமான நிலைக்கு ஆளாகி உள்ளோம். என்ன செய்ய வேண்டும் என்று உபதேசிக்க பிரார்த்திக்கிறேன்.